उत्तरी नाइजेरियामा भएको इन्धन ट्यांकर विस्फोटमा १ सय ४० भन्दा बढी मानिसहरूको मृत्यु भएको छ। जिगावा राज्यको माजिया सहरमा मंगलबार दुर्घटना भएको थियो, जब ट्यांकरले अर्को सवारीलाई बचाउन खोज्दा पल्टियो। दुर्घटनापछि स्थानीय बासिन्दाहरू ट्यांकरबाट चुहिएको इन्धन संकलन गर्न भेला भएका थिए, जसले विस्फोट निम्त्यायो।
घटनामा दर्जनौं मानिसहरू जलेर मरेका छन्। मृतकको संख्या बढ्ने सम्भावना छ, र ती सबैलाई सामूहिक चिहानमा गाडिएको छ। नाइजेरियामा पेट्रोलको अभाव र यसको मूल्य उच्च भएकोले यस्ता घटनाहरू सामान्य छन्। राष्ट्रपति टिनुबुले गत वर्ष अनुदान हटाएपछि इन्धनको मूल्य पाँच गुणा बढेको छ।
इन्धन ट्यांकर दुर्घटनाहरू र यसपछि हुने चोरीका प्रयासहरू अफ्रिकाको सबैभन्दा बढी जनसंख्या भएको नाइजेरियामा सामान्य घटना हुन्।
श्रोत : अन्तराष्ट्रिय सञ्चार माध्यम
Post a Comment
0Comments